ទីផ្សារ Windows Phone នៅហ្វាំងឡង់ កើនឡើងជាង ២២%

សេចក្ដីរាយការណ៍ចុងក្រោយរបស់ Statcounter បានឲ្យដឹងថា ទីផ្សារ Windows Phone នៅក្នុងប្រទេសហ្វាំឡង់ បានងើបឡើងវិញ បន្ទាប់ពីធ្លាក់ចុះតាំងពីឆ្នាំ ២០១១។
ហ្វាំងឡង់ ជាទីផ្សារកំណើតនៃក្រុមហ៊ុន Nokia ហើយក្រុមហ៊ុនទូរស័ព្ទមួយនេះ ជាអ្នកប្រើប្រាស់នូវប្រព័ន្ធដំណើរការ Windows Phone មុនគេ។ របាយការណ៍បានឲ្យដឹងថា នៅក្នុងឆ្នាំ ២០១២ ទីផ្សារ Windows Phone ងើបឡើងវិញ ២២,២៤ភាគរយ ដែលកាលពីឆ្នាំ ២០១១ ធ្លាក់រហូតដល់ចំណុចសូន្យ។
នៅក្នុងឆ្នាំ ២០១២ នោះផងដែរ Android និង iOS បានធ្វើការប្រកូតប្រជែងគ្នា យើងយ៉ាងសម្បើម ប៉ុន្តែនៅទីបំផុត Android បានឈ្នះ iSO។
ក្រុមអ្នកវិភាគបានលើកឡើងថា នៅក្នុងឆ្នាំ ២០១៣ នេះ ទីផ្សារ Windows Phone អាននឹងកើនឡើងបន្តទៀត ហើយ Android និង iOS នឹងធ្លាក់ប្រជាប្រិយភាពបន្តិច ព្រោះថា Nokia បាននឹងកំពុងតែចាប់ផ្តើម យុទ្ធសាស្ដ្រទីផ្សារក្នុងតំបន់ ស្រុកកំណើតឡើងវិញ៕