បន្ទាប់ពីមានពាក្យចចាមអារ៉ាមជាច្រើនថាក្រុមហ៊ុន Samsung ត្រៀមប្រកាសចេញកុំព្យូទ័របន្ទះស្ដើង Galaxy Note 8 ត្រូវបានលេចចេញជាបន្តបន្ទាប់នៅលើបណ្ដាញអ៊ីនធឺណិតរួចមក កាលពីដើមសប្ដាហ៍មុន Samsung បានចេញមុខបញ្ជាក់យ៉ាងច្បាស់រួចហើយថាក្រុមហ៊ុននឹងប្រកាសចេញកុំព្យូទ័របន្ទះស្ដើង Galaxy Note 8 នៅក្នុងព្រឹត្តិការណ៍ MWC 2013 ដែលនឹងត្រូវប្រារព្ធឡើងនៅទីក្រុងបាសេឡូណា ប្រទេសអេស្ប៉ាញ នាចុងខែកុម្ភៈខាងមុខនេះ ។
នៅក្នុងសេចក្ដីរាយការណ៍កាលពីសប្ដាហ៍មុននោះ មិនទាន់មានប្រភពណាមួយអាចបញ្ជាក់ពីតម្លៃរបស់កុំព្យូទ័របន្ទះស្ដើង Galaxy Note 8 នៅឡើយទេ ប៉ុន្តែសម្រាប់ថ្ងៃនេះវិញប្រភពពីគេហទំព័រ hardwarezone.com វិញបានដកស្រង់សេចក្ដីរាយការណ៍របស់គេហទំព័រ unwiredview.com យ៉ាងដូច្នេះថា ក្រុមហ៊ុនលក់រាយនៅលើបណ្ដាញអ៊ីនធឺណិតមួយចំនួនរបស់ប្រទេសអូទ្រីស បានដាក់បញ្ចូល Galaxy Note 8 ទៅក្នុងតារាងមុខទំនិញរបស់ខ្លួន និងថែមទាំងបញ្ជាក់ពីថ្លៃទៀតផង ។ សម្រាប់ Galaxy Note 8 ដែលមានអង្គផ្ទុកទិន្នន័យទំហំ 16 GB មានតម្លៃចន្លោះពី $607 ទៅ $647 រីឯ Galaxy Note 8 (32 GB) មានតម្លៃចន្លោះពី $661 ទៅ $742 ។
ខាងក្រោមនេះជាលក្ខណសម្បត្តិបែបបច្ចេកទេសរបស់ Galaxy Note 8 ដែលលេចចេញនាពេលកន្លងមក (មិនទាន់មានការបញ្ជាក់ពីក្រុមហ៊ុននៅឡើយទេ)៖
- អេក្រង់ទំហំ 8-inch
- បច្ចេកវិទ្យាអេក្រង់ Super Clear LCD
- កម្រិតភាពច្បាស់ 1,280 x 800 pixels
- វិមាត្រ 211.3 x 136.3 x 7.95mm
- ទម្ងន់ 330g
- CPU quad-core Exynos 4412 ទំហំ 1.6 GHz
- ប្រព័ន្ធប្រតិបត្តិការ Androind 4.2 Jelly Bean
- អង្គផ្ទុកទិន្នន័យជាប់ម៉ាស៊ីន 16 GB និង 32 GB (អាចបន្ថែម microSD card)
- RAM 2 GB
- កាមេរ៉ាមុខទំហំ 1.3 MP និង កាមេរ៉ាក្រោម 5 MP
- មាន S pen
- ថាមពលថ្ម 4,600mAh
- សមត្ថភាពតភ្ជាប់មាន៖ Wi-Fi 802.11 a/b/g/n, A-GPS, Bluetooth 4.0, USB 2.0
ប្រភព
0 comments:
Post a Comment